BRONKIEKTAZI

Sëmundje, çrregullim i fituar i bronkeve, të cilat dilatohen pas infeksioneve destruktive të rrugëve respiratore. Rrallëherë mund të jetë kongjenitale. Shkaktohet nga inflamacione të përsëritura të rrugëve të frymëmarrjes, nga infeksione, si dhe nga aspirimi i trupave të huaj. Nga faktorët predispozues ndërlidhen: fibroza cistike, infeksionet e mushkërive dhe tumoret e bronkeve. Shoqërohet me kollë kronike me sputum, ndonjëherë kollë me gjak, humbje peshe, lodhje, rrale, vështirësi në frymëmarrje. Mjekimi konsiston në mbajtjen nën kontroll të infeksioneve respiratore, marrjen e antibiotikëve, bronkodilatatorëve dhe ekspektorantëve, vaksinimin kundër influencës, shmangien nga duhani dhe ajri i ndotur.